آآآه يابلد أصبح للظالم فيكى مكان وإتهانت فيكى حقوق الإنسان والخوف سيطر على بعض الناس وإتناسوا الجبار رب الناس آآآه يابلد جنتل مان وبنت سبور كله ماشى زى الطرطور قلدنا الغرب فى حاجات هايفه ولبعض الناس كان فيها فايده آآآه يابلد وأنتشر الفقر وزال الأمن والناس كلها مش عارفه تئن من كتر جراح صابت الأمه صارت الناس منها ضعيفة الهمه آآآه يابلد وغريب يتحكم فينا ويدى أوامر وصبح بواقحته فى حكم الآمر وحكامنا سمعوا كلام البيه وأتحكموا فينا ولاد الإيه آآآه يابلد وشباب ضايع مش لاقى خلاصه تايه وبالمسؤليه فقد إحساسه فى زمان كترت فيه الأزمات صارت القدوه أحد الباشوات آآآه يابلد ياما نفسى أشوفك حره أبيه وعلاقة الناس بالله قويه ومساجد عمرانه بناسها ومصاحف مش أعده مكانها والظلم إنشال والأمن حل والناس تهتف إسلامنا هو الحل التسميات: أدب, خاص |
